بلادي عصية على الفتن – فخرية أمين رسلان

لا نْقشْ على وراق المجدْ
يا جبالنا اعتزّي
وزمجرْ يا عصف الريح
دوّن يا تاريخ بفخر
واقرا كلامي منيح
بلادي عصيّة ع الفتن ْ
والدين ببلادي وطن ْ
كلما انعجن بترابها الغالي
بطلْ
بيزهّر تراب الأفق
تكتر زياحو زيح
بلادي عصيّة ع الفتن ْ
راياتها ع الشمس مرفوعة
من يوم ما فتّح عيونو ها لدهرْ
ع إسمها بيوعى
نحنا  ا لْ علَّمنا الشجر ما ينحني …
يوقف بوجّ الريحْ
نحنا ا لْ صدّرنا
اللحنْ
واللونْ
والكلمةْ
نحنا حضارة حرفْ
بالتضحية قمّة
بورد الضحى
منبلسم جراح  الوطن ْ

بالعزم ْ
بالهمّة
وانتي ياشرور الدني بإجرامك اهتمّي
أرواح الهنود الحمرْ
هزّت ضمير الكونْ
(لا تفرحي :يا لْ بيتك "الأبيض"
بني
ع جثتي ودمي
قالا طفل ْ:
بعدو المدى
بيرد لجراحو صدى
بكم مجزرة بّغداد كمّلْ جملتو:

و"اللي انبنى عالدم مابيتم"….      )
ملعونة ياأمّة ْمجازرْ
بالجريمة معشّقة
ع الدمّ عم ترفع عواميد الظلم ْ
والمحرقة
قال شو:بتحكي بالعدلْ
بالحب ْ
بالرحمّة؟؟!!!!
محروق قلبي يا وطنْ
ع الأغبيا اللي صدقوا
محروق قلبي يا وطنْ
بأيّ عصرْ …
بأيّ زمنْ …
الحملان بحضن الدياب بتحتمي؟؟؟!!!!