بكير لسّا بعدك زغيري…..

….بكير لسّا بعدك زغيري……. 
يابنيتي نامي صرنا بنص الليل 
وحكايتي لا تفكري فيها……..
بكّير لسّا بعدك زغيري.. وصعبة معانيها 
بشوفك حلم كل الوفا..وإنتي بدفا…
لعوبتك عم تفرحي فيها….
تنامي تضمّيها.ان خفتي عليها من البرد
تغطّي وغطّيها………..
بشوفك حلم…بمراية ل عمرك متل عمرا
توقف عليها زغيّرة.. سمرا….
تربط جدايلها بغنج…. بشريطة الحمرا…
بشوف الحلم تتعلمي…رغيف الخبز…
كيف الوطن جابو………..
وجبلك دفاتر….مقلمة…شنتايتك 
ورسمك ع مرجوحة فرح….
صورة على كتابو………..
بشوفك حلم بالمدرسي…عم تنشدي 
لحن الوطن كل يوم بالباحة………..
بقضوضة الزعتر….وبلون تفاحة……..
بالآنسة… عم تكتب حروف الوفا 
وعم تمسحا ع اللوح….وتعلمك 
انو الوطن ما بتمسحو من القلب 
مساحة………….
وتتعلمي…. انو الفجر ببلادنا بيفيق 
ع الاوووووف بِتنهيدة الفلاح…
وع الميجانا……بصوت فلاحة………..