.jpg)
منيرة احمد.jpg)
من وين منجيب الحكي
ومتل اللي ضايع بالفلا
عا كلمة فرح مندور
و لما نلتقي بكلمتين صغار
مطرزين بشال الفرح
منركض متل طفل صغير عا لعبة
وفجأة ومن غير وعي
وكأنو سرقنا وخايفين
منعلق على الضحكة منشر زعل
مدرس حروفنا تعودت تزعل
مدري الفرح ما عاد الو مطرح
او نحنا تلخبططت الحروف عنا
ويا نهدت الكلمات وشهقة حروفك
لا تزعلي ولا تعتبي علينا
وحياة تكوينك وطول آهاتك
ما منقبلك إلا فراشة فرح
بتحوم حول الحزن وبترجعوا فرحان
وسراجك يا الحزن مكسور
ومنو شعاع الفرح باسط جناحو
وحق الزمن وغلاوة الايام والذكرى
مهما فرحنا او طالت علينا غيوم الحزن
ما نسينا ولا مننسى اللي كرمالنا راحو
ورحمتك يا سيد الاكوان ترحم شهيد
وتصبر غواليك
وتطلع على مطارح الزعل بقلوبهن
بساتين امل ووعد
نبقى السواعد الكاسرة جنون القهر
الواقفة سد بوجه الريح
والجباه العالية ال ما بتنحني
