شي حلم …. مجنون

لعيونك ومن بعد ما ضج الوقت

وصار ت عا كل مفرق عمر تجدل

 من ثواني العمر لحظة  تمسك خيوط

لهفتها … وتلف بهدب العين الناطرا

 تشوفك ……. مشط الحكاية

  وهدهدة موال … يا بعد روحي

 ما خبرك تشرين ؟؟؟؟؟

ما سمعت نهدات الورق … قبل ما وراقها تدبل

 ما دريت شو عنو البعد قالوا ….؟؟؟

وهيهات وعتابا …  تردها لهفة الباب

اللي ناطرتك معو …

ومن بعد ما رد الصدا ….وينن .؟؟؟؟؟؟

 قررت

تحرق كل الدفاتر وتتوزع وراق الورد عا خد اللقا —

تجمع عطر الجناين وقطراتها سحر الوقت —– وتنهيدة الروح

وطفلة صغيرة ترشرش حروفها —-

يمكن خجل يمكن ما عندا حروف … تكمل حكايتها

وباقي بقلبها الملهوف شي كم حرف ناطرا منك تسمعن وتطير

لسابع طبقات الفرح

تتربع فيهن مليكة عرش

 مصنوع من زرار حروفك

 وتعملن مخدة …وريشة نعيم لقلبها

 قبل ما تصحى من الحلم

 وتقول آآآآآآه ويااااااااااااا ريت

 شي   حلم …. مجنون

فجأة … ومن غير ما تنطر

 يطلع عليه الصبح  …….

منيرة أحمد – نفحات القلم

مدرسة النهضة الأدبية الحديثة