أميمة إبراهيم إبراهيم
صارت حياتنا ذكريات
نهر مليان حكايات
وشختورة ورق بتمر يومية
مزوزقة بفرح
وأتّورة عتب
ويمكن من التعب عَ حفاف المي مرمية
بسألا يازوارق الورق لوين رايحة؟!
مرّي خدي كيس هالأحلام
وع كلّ شطّ و مفرق رشّي حلم
وطيّري غنّية
الحلم جوانحو بالسما بترفرف وبتعلّي
والغنية غيمة ولهانة مليانة حبّ وحنيّة.
بتمطر بقلب عطشان للفرح.
يانهر يامليان بالأسرار
سرّي بقلبي زغير كتير
خدو معك
ودّيه ع أرض بتفور بالأسرار.
سرّ الحبّ يانهر سرّ زغير زغير
بس بالفعل سرّ كبير كبير
بيروي بساتين العمر
وبيزرع حقولا زنبق وفلّ.