بما أن للحب عيداً سورياً في ١١ نيسان .
..عند صعود عشتار ودموزي من العالم السفلي ..ورمزه وردة بيضاء ..
أتذكر الآن ما كان يوماً في ١٤ شباط .
كلمات وفن الفنان زهير خيربك
شابْ الوترْ ..
.. والقوس ناطرْ منحني …
غنّي معي وانسي البشرْ ..
… تَنْعيش لحظة ولدنة .
بَعْرف ما فينا بالغني ..
… نْشيل الحزنْ من هالدني …
وبعرف …
.. ما فينا نرجِّع حْقوق الفقير مْن الغني .
ويمكن ما عنّا بالجرنْ …
… حبّاتْ ترضي المَيْجَنة .
لكن في عنا بهالبرد ..
… قرمة حطب من هالجرد ..
… والدار مليانة ورد .
كل يوم نقطف سوسنة .
غني …
وخلي الصوت يطلع بالفضا ..
يمكن بآخر هالمدى ..
يلاقي فرح صرلو عمر ..
… مشلوح عا نقطة ندى ..
غني معي …
… بركي بعيد الحب …
… ينزل بِقطرات المطرْ ..
بركي شي يوم …
… بيرجعلنا شوَيّ منّو ..
… بالصّدى .
