خلف عامر
بل ريچ العين
بشوفتك
تصحى حواسي
سند روحي انته
وتاج راسي
وي النبض تسري
ياأعز ناسي
ياريحة
كل عطور الكون
انته
بفرح تلايمت كلها بشهگة انفاسي
*****
وَلّىَ الوَهَنْ
من البدن
والفرح يركض ركض
بـــ خلاياي
من وصل ريحك
ياروحي جاي
حتى الحصى تفَتَتْ
وگوطر من چلاي
ياضوا عيني
هاي وهاي
من جيت
شِعْلَتْ ضلوعي شموع
ماظلت عِلّه بالجسد
تشافيت
ورميت كيس الدوا
ماني موجوع
تعال فوت بعيوني
شوف واسمع سوالف
كِتَبها حنيني إلكْ
بحبر الدموع