“”””””””””””””””””
مْشتاقْ قلبي
يبعتْ مْراسيلْ
سرّ وعطرْ وشْويّة/تْ
مْواويل.ْ
بَعْدَك حبيبي
ساكنْ بهَالبالْ
نسمة/تْ صبحْ
و رْوايح مْناديلْ
اشتاق الورد يسرقْ
حلا شفافَك نديْ
و خدودك قناديلْ
و الغيمْ ع حدودْ الشّتي
ناطرْ على المفرقْ
بلكي بِلَحظات العشقْ
طيفَكْ يدغدغْ عا الهدى
ويتلقّفو هاللّيلْ
ويشلحْ عباتو عَ المدى
خيفانْ من نظرة/تْ حسدْ
أو غيرة/تْ مْجانينْ
بوشّكْ كتارْ بيضحكو
بقلبُن ضغينة/يْ يشيلْها
ياضيْ عينيّي أنا
اشتاقت إلَك
من قلبها الكلماتْ
ونشّفْ حبرْها
ال كان عطرو يسيلْ
قلبيْ عليكْ..
بينزُفْ بْبُعدَك وجعْ
حلّك بقا ترجعْ إلِي
نْقَطِّف سَوا زرارْ الفرح
ونطيّرْ زْغاليلْ
ِبيغربتك تعب السّهر
و اتشَرّدو النّسماتْ
قالو ليْ رجعْ…. أوْ لأ
لَكْ إيْ بعيونيْ لْمحتْ
وردة/يْ على خْصور الحبَق بتْمِيلْ
وسْمعتْها .. دعسة/تْ رِجلْ
قلبي خفقْ وركدتْ حتّى يكَحِّل
عيوني الهوى وما كانْ فيّي حيلْ
وتْشردقتْ الْبوابْ
في شيْ على صدْرا طرَقْ
تخمينْ فاقْ الصّبحْ
تيصَلّحْ الدّرجاتْ
من لهفة/تْ الدّعساتْ
واحمرّ خيطْ الشّمسْ
وْ بِيْديْ مْسكتْ طرْف الحلمْ
منْ خجلتيْ يقولُو بْعدتْ
لارجعتَكْ هَيدا الدّليلْ
.
