* أبرد من برد كانون .
* أبرد من طين كانون .
* أبرد من ميّة كانون .
* أثقل من الكانون .
* اجا كانون ولف الفحم والكانون .
* إذا بأجرد ما روينا ، محلنا وما درينا .
* أمشي على غيم كانون ولا تمشِ على غيم شباط .
* بعد كانون الشتاء يهون .
* بكانون الأجرد تقل أواعيك .. لا تبرد .
* بكانون الثاني شو الله بلاني .
* بكانون حضر الفحم والكانون .
* بكانون حضر الفحم وعمر الكانون .
* بكانون الدنوح على خيك لا تروح .
* بكانون كتر النار في التنور .
* بكانون كتر النار في الكانون .
* بكانون كن ببيتك عٙ خبزك وزيتك .
* بكانون كن ببيتك كتر حطبك وزيتك .
* بكانون كن ببيتك وكتر ملحك وزيتك .
* بكانون كن ببيتك ، وللطلعة ما تضل تحن وتعن .
* بكانون كن ببيتك يا مجنون .
* بكانون كن وعلى البعير حن .
* بكانون كن وعلى الفقير حن .
* بكانون وين رايح يا مجنون .
* برية المجانين بكوانين .
* بين كانونين لا تسافر يا شقي .
* بين كانون وشباط عند جارك لا تبات .
* بين كانون وكانون عند صاحبك لا تكون .
* راح العاقل كانون واجا شباط المجنون .
* الرعنة والمجنونة بتفتح بكانونة .
* رياح كانون شيبت النسور .
* سباحة المجانين بكوانين .
* سيل الزيتون من سيل كانون .
* شتوة كانون ذخر ، وشتوة شباط محل .
* الشغل بكانون . . أسلم ، ما يكون
* شق بكانون وتني بشباط ، بتربط الريّ بالأرض رباط .
* شمس كانون مثل الطاعون .
* شو مالك يا لوز يا مجنون بتزهر بكانون .
* طينة المجانين بكوانين .
* عتمة كانون بتخوف المجنون .
* عرسك يا حُنّون في كانون .
* عرس المجانين بكوانين .
* غيمة كانون بتخوف المجنون .
* في كانون الأصم ، أقعد في بيتك وانطم .
* في كانون الأصم بشخ الحمار دم .
* في كانون . . الصحو ، فيه ظنون .
* في كانون كن عند أهلك يا مجنون .
* في كانون كن وعلى البعير حن .
* كانون أبو الغيمات واللزيات .
* كانون أبو الفنون .
* كانون الأجرد بيخلي الشجر أمرد .
* كانون بيحرق بريم الشجر ما عدا السنديان والصنوبر
والزيتون .
* كانون الأصم برده بيخرق العضم .
* كانون التاني ، كانون الأصم ، بينزل من العيون دم .
* كانون فحل الشتاء .
* كانون فحلها ونيسان محلها .
* كل رعدة بكانون ثلجة بشباط .
* كل الشجر بيتعرى بكانون الأول إلاّٙ العفص والزيتون .
* كل الشجر بيتعرى بكانون إلا السنديان والصنوبر والزيتون
* لا تغرك صحوة كانون ولا غيمة شباط .
* اللي ما بيحرث بأجرد عند الصليبية بيجرد .
* ما أحلى من قمر تشرين و أظلم من عتمة كوانين .
* ما بتكن بالبير غير مية كوانين .
* ما في أنقى من قمر تشرين ، ولا أعتم من غيم كانون .
* ميِّة كانون بتشفي كل معلول .
* نصبة كانون الأول بتسبق نصبة عمنول .
اللاذقية : الأول من كانون الاول ٢٠٢٠. ☆ بسام جبلاوي
