ما طويت الصَّفحة

مزاحم الكبع

ما طويت الصَّفحة لا

طَوِيها يريدن وقت

من قلتْ حبَّك بلاه

شقِّيته بيدي وارتَحِتْ

چنت لگليبي دواه

ونبضي وعيوني چنت

وچنت عقلي بكل سناه

وفي وسط روحي فِتِت

گلبي ما غيرك جناه

وحدك أنتَ اتملَّكت

ومن ردتْ نبضه ودماه

قلت عليَّا مِنِت

ما خنت حبنا والله

لكن أنتَ اللِّي خنت

حبِّي بعيوني أرعاه

وما يوم عنّك تبت

كلشي معقولة أنساه

وبيبان أنا سكَّرت

عقلي عن إدراكي تاه

وصرت أخربط بالوكت

يوم السبت ما أراه

الجمعة أحسبها سبت

قلت عنادك بلاه

بس جنابك طنَّشت

أدري شخصك مستواه

قبلي .. عالأرض وتحت

شبر واحد كل علاه

بس معايا تصيَّرت

وصدقت حالك إله

وفلَّتت عنِّي وطرت

تقول أحبَّك .. بالشفاه

وفي عشگ غيري ذِبِت

يا عسى گلبكْ .. عساه

يجني ما بيَّا ازرعت

يا عسى گلبكْ ..

عساه

يجني ما

بيَّا ازرعت