*خربشات:

– ألو
– نعم
– وينك شغلت بالي من الصبح طالع لاحس ولاخبر، بشو مشغول.؟!
– واقف بالدور
– دور الخبز.؟
– لأ شو خبز ماخبز.!!!
– دورالغاز.؟
– لا لا.
– دورالبنزين .؟
– لا لا لا.
– دورالمازوت.؟
– لا لا لا لا.
– دور بالمشفى لتتأكد إنك سليم من الكورونا.؟
– لا لا لا لا لا
– دور شو.؟
– وصل دوري يمو ادعيلي.
– وصل دورك بالوظيفة.؟
– لا لا لا لا لا لا
– والله مابعرف يمو، شفت طابور وصفيت.
– طابور شو .؟!
– طلع طابور لشراء “آيفون12″أحدث آيفون بالعالم.
– ببلاش جيب لأخواتك، أوعى تنسى.
– أي يمو ببلاش قريب من ٤مليون ليرة.
– شوووووو؛ الله يعدمنياك اذا حق ربطة خبز ماعنا ناموا اخواتك الزغار جوعانين.
* انقطع الاتصال ونقلت الأم للمشفى، والولد مشغول بأخذ سيلفي مع آيفون 12.

*خلف عامر