أميمة إبراهيم إبراهيم
·
وقت بتضيع اللهفة
بتتسكر بواب الحكي
و بواب الصمت ع مداها
بتنفتح
بتصير الغصّة لقمتنا
والدّمعة حكايتنا.
ياوطن قلّي لوين سحبتنا وجاعنا
و كيف ضيّعنا فراحنا؟
ويالهفة تخبّي مليح ب عمارنا
ولا تضيعي بتضيع معك خبارنا!
أخبارنا ما بتسر
وكلّ يوم من شجرة الأمل ورقة من ورقاتها بتهر
وبتاخدا الرّيح ع بلاد غير بلادنا.
بلادنا ياحبّ موجوعة
ومن اللي كانو قراب مخدوعة
ياحب يا مضوّي ليل ساحاتنا
ضوّي وكتّر الضّو
ملّت من العتم أيامنا
وتشحورت أوقاتنا
وصار الوجع فانوس زيتو من دمعاتنا
ضوّي ياحبّ
وكتّر الضّو
ملّت من العتم أيامنا.
