علي الراعي
بْسرح ْ بِدُنيةْ وهمْ مابعرِفْ حدا …
وجهكْ صبحْ بِيطلّْ تَيدفّي المدى
بْشوفِكْ بِعينِ الحُبّْ وبْسرحةْ خيَالْ …
بْشوفِكْ بِصوتي النّاي عم تبكي الصّدى
بْشوفِكْ حنين الرّوحْ وبقلبي الوجيبْ …
بْشوفِكْ أملْ حَيرانْ هاربْ عَ الهدى
بْشوفِكْ زهرْ عم يضحكْ بْوجه الربيعْ …
بْشوفكْ نحلْ مشتاق لَقطر الندى
بْشوفِكْ سكرةْ حُلمْ غافي وعتيقْ
وآاه مِنْ حلمْ سكرانْ عابِرْ عالردى
بشوفِكْ بِ بوحُ الرّوحْ ألوانْ القصيدْ …
ورقصةْ حرفْ عَ شفافْ تحكي للمدى
بشوفكْ حبيبة قلبْ بِ دنيا الغرامْ …
وْحدِّكْ حياتي بْكُلّ لحظهْ جدّدِا *)
<—{★ رعويّات راعٍ قطيعة ُ الحروفُ والمعاني
