.jpg)
"
مقال بالعامية السورية ، بقلم المهندس سائر مقصود
بمسرحية فلم اميركي طويل لزياد الرحباني بيطلع مع رشيد انو لبنان الجديد لحم بعجين والسبب انو فيه اشارات عم تطلع من الارض وتخلي الواحد يفرد ، يفرد عن اللي حواليه وما تقدر تجمعو او تعتبرو مجموع مع حدا تاني
بس انو قعدت اصفن انو كيف ممكن الواحد يفرد وبلشت اتساءل مع حالي بجد انو كيف الواحد بيفرد مع حالو
انو بتظبط اذا كان عندو مخين مثلا الأول رواق وبالنسبة الو مافي شي وكل شي رح يصير تمام ويمشي وعين الله عليه والتاني بيقضيها مبوزم ومنكد وفايت بالحيط ومشربك المشاكل ببعضها من الوضع الخاص والعام حتى يوصل للعبة الدولية والخبيصة الاجتماعية
انو هيك بيكون الواحد عم يفرد مثلا ولا بيلزموا احيانا شي نطرة ع شي سرفيس عند الصبح او شي صفنة بهالناس اللي واقفة ع دور الاعانات وقعود شوف الفقر بعين وبالتانية قعود عد سيارات صاففها صحابها ليكونو حصلو ع الاعانة
انو هيك بتظبط معك ولو انو قعود ع البرندة شي عصرونية وروق حالك بشي كاسة بيرة وعيونك عم يغزلوا ع اللي رايحة واللي جاية وع زقزقة العصافير وتقوم حضرتك وبنص الجو تنكدها وتقوم تصير تعد قديش صاير فيه بيوت بهالبلد تهدمت وقديش طلع بالمناطق اللي ما تهدمت فيه اراض ومساحات خرج تتعمر وما كانت شايفتها الجميعات السكنية
او انو هيك تقعد ترسم خطط عمل وبرامج محددة بزمن لمشاريع سواء بالحياة او بشغلك وليش صار هيك معك وكتير من الخطط تعصلجت وشو انسرقلك افكار نطوط فيها ناس بعزيمة غدا مع فلان او علتان صاروا وتصوروا ومع هيك تكون مصر تشوف وين الخلل والخطأ لترسم خطة مظبوطة وبنص المعمعة الفكرية تقوم حضرتك تفرتك كل شي وتفوت ع المطبخ تحطلك شي عشر حبات زيتون وشوية تلج بكاسة وتطرقلك شي نصية عرق وانت عم تسمع هاد اللي بيغني " صدرك يا بنية طالع طالع نصو يلعن ابو الفستان لابو ال-قصو"
او انو هيك تقرر بلحظة تترك الدخان وتبلش برنامج رياضي يومي وتظبط الوضع النفسي والتعبوي وخبطة دوم-تك تقعد تنحم وتنزم ع كل شغلة ولك حتى اذا مرتك قالتلك انو من وقت اللي وقفت دخان توقف شخيرك وتروح جكارة بهالحكي تطرقلك نص باكيت حمرا مع كاسة متة.
انو بجد كيف الواحد بيفرد بجد لانو كتير مهم نعرف لنعرف شو صاير فينا وخصوصي انو شفنا كتير انماط من هيدول البشر اللي كانوا عين الله عليهم حبابين ونضاف وظراف وبلحظة طنجروا وكبروا وهاجوا وماجوا ورجعوا لورا كتير حتى التاريخ البشري دعسوه وبالوا عليه وصاروا وراه.
خلوني استاذنكم شوي واطلع فيه شوية شغل لازم خلصوا احسن ما افرد ويفرد اللي ناطرني ع الساعه /10/ بتوقيت سوريا أي سوريا مو سورية لان سوريا بايدها التاريخ كلو من اولو لاخرو وعمرها والتاريخ منفرد الها بس سورية والله يا جماعة شايفنها من شي هيك الف سنة وكسور مقضايتها وجع وفيها مين عم يفرد ويفرفد هالرمل ع هالترابات الحمر.
مقال بالعامية السورية ، بقلم المهندس سائر مقصود
بمسرحية فلم اميركي طويل لزياد الرحباني بيطلع مع رشيد انو لبنان الجديد لحم بعجين والسبب انو فيه اشارات عم تطلع من الارض وتخلي الواحد يفرد ، يفرد عن اللي حواليه وما تقدر تجمعو او تعتبرو مجموع مع حدا تاني
بس انو قعدت اصفن انو كيف ممكن الواحد يفرد وبلشت اتساءل مع حالي بجد انو كيف الواحد بيفرد مع حالو
انو بتظبط اذا كان عندو مخين مثلا الأول رواق وبالنسبة الو مافي شي وكل شي رح يصير تمام ويمشي وعين الله عليه والتاني بيقضيها مبوزم ومنكد وفايت بالحيط ومشربك المشاكل ببعضها من الوضع الخاص والعام حتى يوصل للعبة الدولية والخبيصة الاجتماعية
انو هيك بيكون الواحد عم يفرد مثلا ولا بيلزموا احيانا شي نطرة ع شي سرفيس عند الصبح او شي صفنة بهالناس اللي واقفة ع دور الاعانات وقعود شوف الفقر بعين وبالتانية قعود عد سيارات صاففها صحابها ليكونو حصلو ع الاعانة
انو هيك بتظبط معك ولو انو قعود ع البرندة شي عصرونية وروق حالك بشي كاسة بيرة وعيونك عم يغزلوا ع اللي رايحة واللي جاية وع زقزقة العصافير وتقوم حضرتك وبنص الجو تنكدها وتقوم تصير تعد قديش صاير فيه بيوت بهالبلد تهدمت وقديش طلع بالمناطق اللي ما تهدمت فيه اراض ومساحات خرج تتعمر وما كانت شايفتها الجميعات السكنية
او انو هيك تقعد ترسم خطط عمل وبرامج محددة بزمن لمشاريع سواء بالحياة او بشغلك وليش صار هيك معك وكتير من الخطط تعصلجت وشو انسرقلك افكار نطوط فيها ناس بعزيمة غدا مع فلان او علتان صاروا وتصوروا ومع هيك تكون مصر تشوف وين الخلل والخطأ لترسم خطة مظبوطة وبنص المعمعة الفكرية تقوم حضرتك تفرتك كل شي وتفوت ع المطبخ تحطلك شي عشر حبات زيتون وشوية تلج بكاسة وتطرقلك شي نصية عرق وانت عم تسمع هاد اللي بيغني " صدرك يا بنية طالع طالع نصو يلعن ابو الفستان لابو ال-قصو"
او انو هيك تقرر بلحظة تترك الدخان وتبلش برنامج رياضي يومي وتظبط الوضع النفسي والتعبوي وخبطة دوم-تك تقعد تنحم وتنزم ع كل شغلة ولك حتى اذا مرتك قالتلك انو من وقت اللي وقفت دخان توقف شخيرك وتروح جكارة بهالحكي تطرقلك نص باكيت حمرا مع كاسة متة.
انو بجد كيف الواحد بيفرد بجد لانو كتير مهم نعرف لنعرف شو صاير فينا وخصوصي انو شفنا كتير انماط من هيدول البشر اللي كانوا عين الله عليهم حبابين ونضاف وظراف وبلحظة طنجروا وكبروا وهاجوا وماجوا ورجعوا لورا كتير حتى التاريخ البشري دعسوه وبالوا عليه وصاروا وراه.
خلوني استاذنكم شوي واطلع فيه شوية شغل لازم خلصوا احسن ما افرد ويفرد اللي ناطرني ع الساعه /10/ بتوقيت سوريا أي سوريا مو سورية لان سوريا بايدها التاريخ كلو من اولو لاخرو وعمرها والتاريخ منفرد الها بس سورية والله يا جماعة شايفنها من شي هيك الف سنة وكسور مقضايتها وجع وفيها مين عم يفرد ويفرفد هالرمل ع هالترابات الحمر.
