وردتنا شكوى من عمال اتصالات اللاذقية ننشرها كما وردت حرفياً وننتظر رد اتصالات اللاذقية عليها .
تقول الشكوى :
سمعنا منذ مدة بتحويل مؤسستنا مؤسسة الاتصالات الى شركة وما عرفنا الفرق و بصراحة ما غير علينا شي لغاية ما قبضنا حوافزنا من كام يوم و اتضح انو الحوافز عم تنعطى ع صفة التعيين لا ع نوعية و طبيعة العمل بدليل انو الموظف الاداري اللي قاعد ورا طاولتو كموظف عقود او مراقب دوام او ست بيت ( باعتبارو ما بيداوم ابدا )و هم كثركانت علامة حوافزهم اكبر من علامة حوافز العمال اللي مقضايين شغلهم بالشمس و المطر من الصبح لآخرالنهار بحجة انو صفة تعيين الاول لحام كوابل و التاني عامل تركيبات فأين العدل ..
منا إليكم إلى مدير اتصالات اللاذقية
