.jpg)
..حكاية ضيعة…….ج 5.jpg)
بضيعتنا كان كم دكّان….
كانو جيران وخلّان………
لا بعمرن غشّونا بوزني…
ولا بعمرن خانوا الميزان………
كنت بنص فرنك الأصفر..جيب قضامي
وحبل مربّى ….وبالباقي دفتر دخان….
كنتي تشوفي مروج القمح…
تزين ضيعتنا بنيسان………
عاشتنا شقلي من الحنطة
وكتاف ل ربيت ع محبي
تحمل بالخير القبّان……..
تسلق حبّ الحنطة جعيلة/ي
وشو بدي اذكر يازغيري
دست وحطبات وقفيري
والباطوز بارض الميري
وطحني وطاحوني وطحّان………
يابيي حنطتنا السمرة
وحياة عيونك مابعمرا
غدرت حتى بالزيوان……
الكتاف ل ربيت ع محبي
تتجمع تا تصّب الصبّة /ي
محرز جايي وجايب سلّم
والجبلة يحضّرها مهنا
والرفش بايد عميران……..
وتنور ومعجن مع كارة
وحكاية هاكِ الختيارة
بضيعتنا ام سليمان……..
ياالله احكيلي ع البوباية
وع قلام رصاص ومحاية
بكرة بالايام الجاية
بكفّيلك قصة الحكاية……
رياض ايوب علي /ابو حسين
