حكاية ضيعة… الجزء الأخير

..حكاية ضيعة… الجزء الأخير 
ذكريات جميلة لا تمثل ضيعتي فحسب انما كل ضيعة في ساحلنا الجميل …أتمنى أن تنال إعجابكم…. 
يابيي بضيعتنا الحلوي كل شي تغير… 
تلّت رباع رجال الضيعة صاروا عسكر…
بالرقة متصاوب حيدر…….. 
وع طراف الغوطة الشرقية 
استشهد جعفر…….. 
راحوا يحموا تراب بلادي 
ويابيي كانت ضيعتنا 
راحت لولا الزند الاسمر…….. 
راحوا ومعهم غصة بتقهر……. 
انهدّ التنور بضيعتنا وفوق البيدر……… 
طلعوا بمحضر……..
من خمس طوابق أو أكتر……….. 
صار الختياربضيعتنا 
فصعون عليه بيتمسخر……….. 
راكب مرسيدس مفتولي 
وع طراف الضيعة بيتمختر……… 
واشم على أيدوا. أيقوني 
من خيال وبحصة بيتدعفر………
ناسي أيام الزحّافي 
وكيف الواحد يركض حافي 
بضيعتنا ع المرج الأخضر…………
صارت سوسو تجيب البارفان من فرنسا….. تا تتعطر……….
ركبت شبّوحة كحلية 
ونسيت درفات النملية 
وما عاد سمعت بالقمحية 
والكاز وبابور الأصفر…………
صار الأخ بهاكي الضيعة 
يعمل على اخواتوا عنتر……….. 
شلحنا حجارتنا بالبير 
نسينا الشلف…. نسينا النير
وصارت سكتنا مصدّاية 
ويابيي خلصت الحكاية………