عند الصبح

عند الصبح
 وبصوتها المبحوح
 ندهت
 يا جيران الفرح
 يا حبق وعصافير
  صبحكن  خير
 يا جيران الروح
 وهك الايد تلوح
 تعي يا ورود
 تعوا يا غياب
 وتذكروا قديش
 مر الوقت
 والقلب ناطر
 وهمسة صباح الخير
 يفتحلا بواب
 إيه يا حزن
بجرار العمر مشلوح
حلك بقا
 عن دربنا تفل
 ومن بعد ما تترك مطرحك
 نزرع فل
 ونفيق عا صبح الهنا
 وغير صبحك بالخير
 ما نسمع
 قولك يا قلب هيك عليك كتير
 يمكن ما عاد المطرح يساع
 ويمكن بقي
 ويمكن ………………….

منيرة احمد – نفحات القلم