*بيتي مرق عليك العمر وبقيت حدّ الدهر *
بيتي حياتي فيك ربيت
مهما بعدت
باشتاق ليك
إنت مش حيطان وبس
أو بواب مسكرة وشبابيك
ريحة الكتب وعطر الزمان
حكاياتنا وصورنا عالحيطان
خبريات من هون وهون
وأسرار كل الجيران
فيك تعلمت فيك كبرت
وصارت قصصنا
زعلنا وفرحنا
يا حارس الأيام والذكريات
مأوى السعادة والحياة
كنت ورحتبقى مسكني وراحتي
حبي القديم والحنين
ملعب الطفولة ومربى الأمل
تحت سقفك ركض العمر
وشبابيك الشمس
عليها الطير يهمس همس
غصان الشجر العشقانة
حيطان البيت والإنس
هالبنت الولهانة الشّب
ناطر ساعات من الأمس
تحت الشباك
حب وأمل وعي ِكبر
وما عاد يقدر عالصبر
ملّ من النظرة من النطرة
أخد معو الصبية وفلّ
كل شباك قصة حبّ
حلم بيكبر عمر بيزهر
قلب بيثمر ولد وعيد
نعمّر بيت بيكبر بيت
بيولد منّو حب جديد
بيوت صغيرة بيوت كبيرة
تكتر تكتر تكبر بالامل وبالحب
مدينة تعمر
تسكن بالعين وبالقلب
عن أحوالنا تبقى تسأل
تفتح لنا الطرقات
تتمشى فيها الخطوات
وخطواتنا عليها تكتر
والشوق يورق ويزهّر
بركة مي وجنينة ورد
عشقها الطير سكنها الشجر
يمرق عليها يوم وشهر
والورق وسنين العمر
ويحلا السهر بليل وقمر
والشمس عليها تسطع
والخير منها نجمع
وبيوت بيوت
تعلا توسع تتعمّر
ولا يبقى شباك
عالشمس عالحب مسكّر
والأمل من أيامنا ما يرحل
نغفى على الأحلام
وعن بكرا ما نهتم
ولا نسأل
بيتي مرق عليك العمر
سلّم الزمان
وضليت حد الدهر .
جومانا محمد
