أمثال الدكان في دكان الأمثال

     لما كانت الدكان – كما يقال – بدها اِجر مكسورة، تتداعى الخواطر لما يضرب في الدكان من أمثال، ومن مضارب ذلك :

–  الدكان جنب الدكان والرزق على الرحمان .

–  القلب دكان وكل واحد له مكان .

–  قلبي متل الدكان ولكل شخص فيه مكان .

–  قلب الرجال متل الدكان، لكل امرأة فيه مكان .

–  صار للدبانة دكانة وصارت تسكر على بكير .

–  صار للدبانة دكانة وصارت تفتح على بكير .

–  صار للدبانة دكانة وسموها ست الحسن .

–  صار للدبانة دكانة وصارت تسكر الساعة تمانه .

–  جالس في الدكان عما يكش دبان . / يضرب في الكساد / .

–  أمنه على دكان خيش ولا تأمنه على قرص عيش /الرغيف .

–  رأس البطال دكان الشيطان .

–  صاحب دكان ما يحتاج بستان . / يضرب للمدح / .

–  إذا اصطلح الفأر والسنور خرب دكان البقال .

–  فكرناهم جدعان، طلعو فاتحين دكان بيبيعوا ندالة وخِسَّ

   للأوباش البرنس .

–  حانوت مسكر ولا كرية مشومة . / مثل تونسي .. حانوت :

   دكان . مسكر : مغلق . كرية : استئجار . مشومة : سيئة .

   أي يفضل أن يبقى الدكان مغلقاً على أن يؤجر لشخص أو

   لتاجر سيء الأخلاق والسيرة ؛ يضرب لكل فتاة مقبلة على

   الزواج بضرورة اختيار الشاب ذو الأخلاق العالية فالعنوسة

   أو التأخر عن الزواج ليس عيباً ولا مشكلة، لكن العيب أن   

   تفتح الفتاة قلبها وأحضانها لزوج سيء .

–  لا تقولي كاني ولا ماني ولا دكان الزلباني . / دكان الزلباني

   هو من يقوم بتحضير الزلابية ( حلوى شعبية شهية ) تعرف

   بلقمة القاضي والعوامة والمشبك . كاني وماني : السمن

   والعسل في اللغة الهيروغليفية .

–   اذا كنت لا تجيد الإبتسامة فلا تفتح دكان/مثل اسكتلندي.

–   اللي فمه ما بينفتح بابتسامة قد الفرجار لا ينفرج له باب

    دكان . / مثل صيني .

–  ان فتح الدكان سهل لكن الصعوبة أن يظل مفتوحاً / مثل

    صيني / .

اللاذقية : الأول من آذار ٢٠٢١                   ☆ بسام جبلاوي