اضحكي

ياضحكتك زهر أبيض ليلكي

إذا الدم بيصيح

بتوب العرس

وضحكتك بفوهة بواريد

بتهمس همس

بتأدّن جراس العيد

ع طبول المعركه

أيّ يا بيي اضحكي

رشّي الضحك سكر

ليكي سِتك

بلشة تتذكر.. كيف تضحك

وكيف تنشل

من شال الشمس

خيط أصفر

تترقّع جراب الفقر

ملعون بيّو هالعمر

صرلا عمر

بقلب الجرن..تدق الحزن

وتطحن حنطة الأيام

صرّلُ عمر هالعمر جوعان

ضحكتك جبران

بلكي تنّور الليل..

بيخبز خبز أشقر

بلكي الله أكبر بيحنّ

ع لقمة مغمسه بالدم

ولك أي يابيي لاحقا ع الهم

ولك اضحكي

تيعرق البرد ع خدود الجرد..

 ويفتّح ورد

تيطلع بأرض الملح.. ياسمين وفل

تيرجع القمر بعد الهجر..علينا يهلّ

أيّ يا بيي اضحكي

تيّضلّ عندي سبب.. تَضَلّ

ولك اضحكي.. اضحكي..

تيمّل منّا الحزن ويشتكي

ويشرب ربيع ضحكتك..

 كل البكي

منهل مالك

اضحكي..

ياضحكتك زهر أبيض ليلكي

إذا الدم بيصيح

بتوب العرس

وضحكتك بفوهة بواريد

بتهمس همس

بتأدّن جراس العيد

ع طبول المعركه

أيّ يا بيي اضحكي

رشّي الضحك سكر

ليكي سِتك

بلشة تتذكر.. كيف تضحك

وكيف تنشل

من شال الشمس

خيط أصفر

تترقّع جراب الفقر

ملعون بيّو هالعمر

صرلا عمر

بقلب الجرن..تدق الحزن

وتطحن حنطة الأيام

صرّلُ عمر هالعمر جوعان

ضحكتك جبران

بلكي تنّور الليل..

بيخبز خبز أشقر

بلكي الله أكبر بيحنّ

ع لقمة مغمسه بالدم

ولك أي يابيي لاحقا ع الهم

ولك اضحكي

تيعرق البرد ع خدود الجرد..

 ويفتّح ورد

تيطلع بأرض الملح.. ياسمين وفل

تيرجع القمر بعد الهجر..علينا يهلّ

أيّ يا بيي اضحكي

تيّضلّ عندي سبب.. تَضَلّ

ولك اضحكي.. اضحكي..

تيمّل منّا الحزن ويشتكي

ويشرب ربيع ضحكتك..

 كل البكي

منهل مالك