-
سلفي وهالتاريخ كلو خلفي / بلا تنقيح وبلا تدقيق وهيك فجة متل ما طلعت/ احيانا بتحس راسك متل الكوساي او الباذنجانة ، وياريت فيها لحم ورز وتوابل وملح ودبس رمان ودبس بندورة وخصوصي انك تكون قارئ جيد للتاريخ وللتاريخ السياسي اذا بدك والله عامي ع قلبك وانت عم تحاول تقرأه لهالتاريخ بتجرد ولووو شو بيصير جوات هالمحشاي اللي هي مخك وانت عم بتابع الاخبار شي عن انو والله الجيش العربي السوري عم يحرر درعا ، ليش مو حرام اصلا تصير درعا محتلة من كومة اوباش شي نصرة وشي حر وشي مدري مين وكلو كرمال عيون المومس " تل أبيب" بكرى بيحظرني عمو مارك وانو شو : هيك ببساطة وبدم بارد شب وبنتين بكم رصاصة بولاية اميركية وعادي عادي جدا ، ولوو محملين الموضوع زيادة غوييم قتل غوييم وانو شو قال ميستورا بخطة جديدة لتجميد القتال بحلب ، ليس بالاصل مو حرام تتجمد حلب هيك ، ناس حملت هربت وناس نزحت وناس ضلت عم تتحمل كل شي وفاقت واكتشفت انو الشيشاني والافغاني والملتعن ابوه جاي من اصقاع الدني ليحرر حلب وفوق هاد كلو بتسمعلك شي خبر عن مصر السيسي انو يابو ارهاب وعم يضرب بالمنطقة أي تضرب هيك مصر وهيك سيسي أول نقطة تحول كان لازم تصير هي اعادة العلاقات مع الحكومة السورية وفتح تحقيق جدي وحقيقي بأسباب المهازل التي ارتكبت بحق سوريا بهي الجامعة المهترية تبع نبيل العربي وشي انو يابو تركيا انخفضت قيمة عملتها بحدود الربع ، وعمرها وانشا الله ما بتقوم تركيا لا سياسيا ولا اقتصاديا ولا عسكريا ولا ماليا ويلعن ابو تركيا ع ابو هالشعب اللي سمح لقراضة العالم يحكموه 400 سنة باسم الدين . وانو شو صار فيه بالاردن جيش وبدو ينتقم لقتلة الكساسبة وحملة عربية طويلة عريضة منشان الكساسبة ، ما اشطرهم العرب بالحملات وخصوصي اذا كانت بتخص ولا بلاها خلينا ساكتين احسن ما صير مشهور ومعروف بسبب هدر دمي. وانو يابو قال بتونس فيه حدا جاب عيلتو ع الحزب بعد ما حلق لجماعة الثورة انو بحياة بيك انو انت مصدق انو ما رح يجيب عيلتو اي بيكون يا اما جحش يا اما متشبه بالغرب والعياذ بالله اذا ما عمل هيك . ولسانا منقول قال شو الملك السعودي الجديد مدري شبو ومدري شو حالو ، وانو يابو داعش ما هي دولة اسلامية وانو النصرة ما هي دولة خلافة ونحنا لهلق عم نعلم ولادنا بكتب التاريخ مفاخر الدولة الاموية والدولة العباسية والفاطمية ووووو ، حدا بس يقدر يقول من المتفاخرين انو هي الدول التاريخية العتيدة والعظيمة تبع الاموية والعباسية والفاطمية ووو كيف قامت ع دم مين قامت وبسيف مين قطعت راس مين وبنار مين حرقت اجساج مين . خلونا نضغطلو لايك لتاريخنا كلو وننساه ونبلش من اول جديد ، غير هيك نحنا ع ارض مش سليمة وع توازن ما فيه يكون الا قلق وع حالة غير مستقيمة بالاخير : وقت اللي طلعت مظاهرة بالازهر وصاحت : همه همه همه نصر الله زعيم الامة . طلعت القصة كل ما فيها محاولة احراج نظام مبارك ، لا هي ثورة ولا هي تحول عقائدي بهالامة ولا هو تغيير استراتيجي بنظرة الامة ولا هو تقدم ايديولوجي بعقيدة الامة ولا اصلا هي امة ، ليكها ب 24 ساعة بتفرط بس تقول سني وشيعي ، مسيحي ومسلم ، عدس بقشرو وعدس مجروش . شو مشتهي هيك يطلع كل واحد فينا اخي ما رح قول عربي او كردي او سوري او مصري او لبناني او اردني او مدري شو ، هيك مشتهي يطلع كل واحد فينا بيآمن انو ابن هالتراب ويعمل سيلفي ويقول التاريخ خلفي ، فلسطين هي داري وهي بداية لأي درب من دروب انتصاري . أودعناكم
-