بهل مسا والتلج نازل

أميمة إبراهيم إبراهيم

بهل مسا والتلج نازل

"بالدني تجريح"

صعب نفرح فيك ياتلج

ونغنّيك

عظامنا تكتكت مواويل القهر

وجوا القلب

زوبعة حزن

وجنون ريح.

…… .

ياتلج خفّف بياضك

صار حملنا تقيل

و ياولاااااااد لا تلعبو بالتلج

مافي دفا بالبيت.

مين اللي قال انّو التلج لعبتكن

وانّو سور البيت بدّو رجّال من تلج تَ يسندو؟!.

يا ولاد صار الدفا والضّو حلمكن

بيعو التلج لبلاد فيها ضو

ما فيها حزن

ولا تزعلو… لاتزعلو .

……..

صعب نفرح فيك ياتلج

و نغنّيك.