يا وقت يا غربة
عم تلبس مبارح
عم تشلح البكرى
وياليل شو صعبة
طعم الجرح مالح
ومضمد بحسرة
ريحة عمر ذنبي
مهر بحلم سارح
واصل على تلة
ومعشّبة بقلّة
من كترةْ مْطارح
عم تاكل النطرة
يَ وراق تين الغيب
صدّا رواق البيت
شوية قصص بالجيب
عن ناس شو خبّيت
جيب القميص انشق
هرو بشر منّو
وكل مَ القلب بِ دق
خيّب حسن ظنو
دم ال إلو جارح
قطرة ورا قطرة
جبهة غيابن نار
قهري جبل عالي
عمر القصب ختيار
والناي موّالي
طالع تَ قطف نور
من شجرة الملقى
كسّر عتم بلور
بِ حجرة الفرقة
وقت الحجر صحبة
كل العمر رايح
كل العمر حجرة
يا وقت يا غربة
عم تلبس مبارح
عم تشلح البكرى
