الشاعر محمد يزدةبالمدرسه ….
بالمدرسة كنّا يا امـّـي صغار
وكانـو يقولـــو رفاقنا بكـــرا
عالنهر رح نعمل سوا مشوار
وقديش كانت تظبط الفكرة
وهلـق يا أمــي رفاقنـا ماتـو
و النهــر غــص بكتـر دمّاتــو
وحيات عمر المضــا وحياتو
لليوم بعـدي عايـش الذكــرى
وبعدن ببالــي كل ضحكاتُـن
الشلّه البسيطة وكل حكياتُن
لـون الطفــوله فــوق دياتُـن
لما الطفوله تموت مـن قهــرا
وهاك الطفـل ما فرّمو سنانو
بعدو بشخبط فوق حيطانـو
بإيــدو قلامــو و كل ألوانــو
بيرسم محبة بالحرب جكرا
المريول يمّـي اتقطّعـو زرارو
وإبنك طفل وبيكشف سرارو
رايح لوحـدو اليـوم مشـوارو
قولك بكونـو اليـوم بالسهـره ..؟
بقلمي …..
