…رح امسكك بـِ ايدك اللي بتوجعك…..
لأ…..وقّف ع حيلك ياشِعر………
جننتني صرلي عمر………….
عم اقنعك….. مابتقتنع……
حسنا وسواد عيونها كلن سحر……… .
بقلك دهب شلال بـِ شَعراتها..
بتقلي جدّولة شَعر…..لونن شقر………
بقلك خَمر شفّاتها…بتقلي لا..
كل الخمر كرمة وعناقيد وعَصر………..
بقلك صلا بهمساتها..وبتتهمني بالكفر…..
فرجيتك بعينك دني بتتغيربضحكاتها…
وكيف البحر……….
بِيموج ع مشياتها فوق الرمل…………
وكيف الرمل بِ خربشة صابيعها
وديّاتها…تحوّل تبر………….مابتقتنع….
رح امسكك بايدك اللي بتوجعك…
رح جننك….
واكتب رجز ع وزن تفعيلة رمل……..
وانصب الفاعل والفعل……….
وخلّي المضارع يصدح بصيغة أمر…….
حتى تقلي غايتي امزح معك او داعبك
تا توصفا. باجمل سطر………….
مجنون عم يوصف حبيبة تمايلت
ع العشق باحلى خصر…………….
رياض ايوب علي /ابو حسين
