.
رح احكيلك قصة زغيري
ومنكمل بالسنت الجايي…….
ضيعتنا حبيت الحفة
وضيعة امك بيت ياشوط……..
بتجمع بيناتن المحبي
وتاريخ وايام الصعبي
وتين وزيتون وبلوط……………
بتجمع بيناتن فلّاحة
بتمسك ع الاول بالساحة
ن غنّت بجبال القرداحة
بتلاقي الكل بصافيتا
بزغرودة صوتا مبسوط………….
بتجمع بيناتن طيوبي
لبست منديل المسلوبي
وقفت تسطح تين الاخضر
من فوق وراق الشمبوط……………
بتجمع بيناتن زيتوني
داريتا برموش عيوني
وديسة وطيونة وليموني
ومراب وعزر وعرموط………….
يابيي موية ضيعتنا
بمحبة و الفة جمعتنا
يابيي موية ضيعتنا
ما بتندار بعمرا. سلوط…..
وموعدنا بايام الجايي
منكفي قصة الحكاية………
رياض ايوب علي /ابو حسين
