زهير خيربك
قومي انزلي عالبحر ..لا تخافي ..
البحر مالو عيونْ….والموج صار بْغيبتكْ مجنونْ
فوق الرمل عم ينشر خبارو….
يكتب ويمحي سرار زوّارو ..
تكسّر جناحو عالصخر .. ..والصخر غافي .
………
شو ناطرة..
قلبو بيشبه جسمك الشفاف ..
وشفّاف …جوّا الميّ ..مع شفاف
ما بينشاف ..
والروح شفافة .
…….
وهالمارد الجبار..
متل الطفل ..
.محتار ..
هَيْ صرلو عمر ..ما بين وجهك والبدرْ ..
واحد بيعمل مدّ …والتاني جزرْ …
لو تنزلى بيصفا ..وميّتو بْتحلا..
وبْينشرب …
كاسات عالصافي .
( زيتية ..وبعض الألوان الإلكترونية )
