(( جينا ))

والنصر  مرافق خطاوينا

جينا نقول للبسمات رجعي

وندقدق ع شباك ماضينا

شو حملنا قهر ولوعه وصبر

وحب الوطن مغروس فينا

نحن الردى وما نخشى العدا

والزهر رشرش عطر بروابينا

جينا نقول للدني بكفي ولدنه

تعبنا من الحزن وجفت مآقينا

شبعنا حكي وقصص مشربكه

على شط الأمل رجعت أمانينا

آه منك يادهر بكفي ظلم وغدر

تعبنا من هالعمر واللي فينا مكفينا

عتبان ع ساعة صفا بليلة دفا

والهمس يتعربش ع دوالينا

عتبان ع لحظة لقا بكفي شقا

حاجي بقى يجف الحلا بسواقينا

رح نبقى للأبد  جنودك يا أسد

سوريا المجد مكتوب عجبينا