.تأملات مهاجر

…تأملات مهاجر

عا شط مرمي على كتاف العمر

 ندهتك يا بحر … ومواجك ترجيت

 وعا طرف مركب علقت بحة الصوت

يا ال غايب ,,, غيابك تعبني

 سنين وسنين عم اندهك ….

واقفي عا باب

عيونوا ناطرا …..

 ومفتاح الحلم حامل معوا

بتخيلوا مرات عم يمسك المفتاح

وتفضلوا ومية هلا …..

.
… طليت  يا نجمة صبح ….

ورسمت بشفاف العشق وعا خدود العمر فرحة …

.. ولو  ردت أوصف  شعوري …

يمكن يتلعثم الحرف ويخجل لانو ما قدر يوصف ….

 وأأأأأأأأأأأأأأأأه منك يا حلم ..

شو باك ترسم وتمحي

 هدي …

حيلي نهد من كتر ما تكسرت عليه

 عتابا  …… وهيهات …… والدلعونا

و متل طفل جوعان

وبحض أمو ارتمى ….. لمسة …. بسمة … ضمة قلب … وطار  ..

لاء ……لاء

وحاجي يا  سفر …. عمر الفرح معك سافر

 بس لو قلبك يحن وترجعوا

 ومفتاح الغياب يضيع .

وشال الفرح

   يلف خصر العمر

منيرة أحمد – نفحات القلم