زهير خيربك
أعجبني موال ( مشّي معي ) ..فأضفتُ له :
مشّي معي عالكَرْمْ نقطفْ وردْ ..
نْعَربش عَكتف الجرد ..
ونحوّش عنبْ .
مشي معي نسرق شويّة تين …
ومن عيون العمر نهرب شي عشر سنين ..
وركوة القهوة تفور عانار الحطب .
مشي معي عالنبع لا تْخافي …
نرسم قصيدة نلونا بالمي..
ونْعلقا عَ وْراق صفصافة .
والريح تعزف عالقصب .
مشي معي وان كان خجلانة …
من كلام الناس هربانة …
ومن كلمة عَتَبْ …
رَحْ لبسك شروال ..
وشْماخ فوقو عْقال …
وعملّك شَنَبْ .