وحدي أنا الأنثى – بقلم فخرية رسلان

وهيك …….
بِ حمّى الحلم
لما بيتشظى الهوى
ع مواج صوتك بغفُرْ
وبنسى
ما بعود اتذكر وجع روحي
بألمْ
وبعيش حالة وحدنة
وحدي أنا الأنثى لْ نسجت صبح عينيك
 بيدين الندى
وصكّت ختم لمساتها
بمرجك صدى
ومش سامحة ع شط روحك
لحدا
يرمي صواري العشق ..
 أو بموانئك يرسى …
 محكوم قلبي بالحلم
 لا بفتّح رموش الورد
 ولا بلملم دموع الندى
 قبلات صوتك عن زهر
فتّح على سفوحي بهدا
مع كل حرف اهتز
بعروقي ومشى
بترنح بنشوة سكر
و بدووووووب ..
لعل وعسى
 ترجع إنت متلك إنت
وارجع أنا
نجمة على طراف الحلم
للواقع لْ ما بيتنسى

=====================