مقطع من حكاية ضيعة….

..مقطع من حكاية ضيعة……

يا بيي احكيلي شي حكاية/ي 
عن جنة ع الأرض بتغفى ..
عن نسمةبرقتها بتشفى..
بتبرد هيي وأنتَ بتدفا..
وبغمار الخير مغطاية/ي…….. 
عن بيت اللي فيه ربيتو..
وشو حكيتو حكايا وشو قنيتو..
عن أيام ل فيها شقيتو.. 
عن شلّيفي ومتخباية/ي…….. 
عن بيت الطين والحجار…وقصة دبليز الفخار…وجرن الحنطة وموقد نار…ورحي وصابون الغار…وقمباز معلق مع شال..ع الساموك وع التكّاية.
ع العصفور وع الطافوحة..وعن بنت 
بحضن المرجوحة.. تغفى ع صوت الطبّوحة..وتنام سرارا مخبّاية/ي…….
احكيلي قصة طفل يدور…ت يلاقي عش دنينور…عن كارة وميزر تنور…
ومزار وريحة بخور.. عن سانونة وعن مقلاية/ي………. 
احكيلي عن فلاح وارضو…ل هيي متل ولادو وعرضو.. عن نير وفاس وعن منجل..وقالوشة ومعقالةو مشتل… وبنت اللي من خيالا بتخجل… ن غازلتا ع 
الدرب بتزعل.. بدمعة ع مضَلّة تتأمل.. 
فارس حلما أيمت جايي………
احكيلي ع الضيعة المفجوعة… 
بـ إبنا وبنتا وكل ضلوعا..شو بدّا تضوّي من شموعا..وكل يوم من الصبح بتوعى
صوت رصاص وزفّة شُهَدا 
وأم ل بتشيّع بدموعا 
واحد راح وواحد جايي……… 
رياض ايوب علي /ابو حسين 
26/10/2016