كلمات وريشة الفنان السوري : زهير خيربك
منْ حْفافْ الجردْ …منْ بين الوردْ …
مقطوفْ ..ومْخَمّرْ .
يدْفا عَ قْرْمةْ حَطَبْ …مْجَمّرا منْ غيرْلهبْ
ومن قلب القصبْ ..
ينبعْ …ويتقطّرْ .
وبكرا بليلةْ بردْ
لما تنام الناسْ.ويغَوّش الإحساس جوّا الرّاسْ ..
والهمومْ عليكْ تتْأمّرْ …
صبّلك كاسة عرقْ…ودخّان لفّو بالورقْ
واسجدْ وصلّي ركعتينْ
واحْلفْ تْردّ الدَيْنْ ..كل كاسة عالقليلة كاستينْ
منْ حصّتكْ يوم الحشرْ …من شي نهرْ
ولما بْتصحا ..استغفرو ..واقرا شويّ بسورة الكوثر
وانسَ شي ساعة …..أنك معتّرْ
(ثرثرة قلم رصاص )ٍ