(قَصِيدَةٌ شَعْبِيَّةٌ )
يَا أُمّْ الْعُيُونْ الْكَحْلَهْ
يَا أُمْ الْعُيُونْ الْحَكْلَهْ
يَا مَغَنِيَهْ مَوَاوِيلْ
فِي أَرْضْ كَانِتْ قَحْلَى
فِيهَا قَمَرْ الْلِّيلْ
يِهِزْ الْقُلُوبْ فِرِحْلَهْ
مَعَ زِينْ مَالُو مِثِيلْ
كُلْ يُومْ يَزْهَى وَ يَحْلَى
يَا حِلِيلَةِ الْقِلِّيلْ
وَ يَا وَحْلْتَهْ بِالْوَحْلَهْ
مِسْكِينْ رِيقَهْ يَسِيلْ
شَاهِي عَسَلْ الْنَّحْلَهْ
وَ هَالنَّجْمْ مَالُو مِثِيلْ
كِيفْ السَّمَاءْ تِسْمَحْلَهْ ؟
يِفُوتْ نَجْمِ سْهِيلْ
وَ شَبْحِ الْبَصَرْ يِرْتَحْلَهْ
وَ دَخَلْ نَهْرِ النِّيلْ
يِسْبَحْ وَ أَنَا نِسْبَحْلَهْ
أَلْفِينْ مِيلْ وُ مِيلْ
وَ نَا نُقُولْ وَ نْوَضَحْلَهْ
لَكِنْ حَبِيبِي بْخِيلْ
وَ كِيفَاشْ تَنَشْرَحْلَهْ
أَنَا بِهَوَاهْ عِلِيلْ
وَ نَرْتَاحْ كِي نَشْبَحْلَهْ
وَ بَعَثْلْتِلَّهْ مَرَاسِيلْ
وَ بِقْصَايْدِي نَلَمَّحْلَهْ
وُ قُتْلُهْ عَلَاشْ بِخِيلْ
وَ أَنْتَ فُعُيُونِي تَحْلَى
رَغْمِ السَّفَرْ طِوِيلْ
عِمَادُ الدِّينِ التُّونِسِي
