متهوووم
متهوم آني..
شَغّلّ حواسك زين أرجوك
شووووف..
بقلبي أنت..وبسواد العين
إش كثر حاصرني الوجع
وما…
ما بجيت
خوفي لا تطلع ويّا الدمع
تتركني وتروح
ويصير موالي من بعدك ينزف
وناااات وألم..
وآهااات وجروح
متهوووم..أرجوووك
شَغّلّ حواسك زين ..واقرااااني
ويّا النبض بيك دوم تلكَااااني
أنت بيّا عطر.. وضوا بالعين
يا فرح ألواني
متهوووم..أرجوووك
شَغّلّ حواسك زين..
لا..لا تدير الظهر..
مو يختنق بيّا الحلم ويموت
وتصير دنياي جنّها التابوت
من جيت ويّا غبار الطلع
زرعتك بصدري جَوّا الضلع..
وصرت لي وطن
وأهل وملفى وبيت
وزهت بعمري كل المواسم
يا روحي من جيت.
متهوم..أرجوك
شَغّلّ حواسك زين..