يا عالم يا هووووووووووو +دبابيس

يا عالم يا ناس يا هوووووو ….. يا أهل الناموس …………. ياللي بتعرفوا وبإيدكن الحل …………..

منشان الله ….

هيدا الحيوان الناطق اللي بتسموه بني أدم , وين بدو يندفس يمشي …..؟؟؟؟؟؟؟؟

إذا ما فيه رصيف نمشي عليه ….لأنو أهل الخير فارشين بضاعتهن …مسكرين قدام المحل والرصيف وتحت الرصيف ….

شوفوا الشيخ ضاهر….

خلصنا من الرصيف ,طلعنا بمصيبة ما بين الرصيف والساحة حتى نوصل للباص ,كارثة تانية ,فواكه وملبوسات وشحاحيط وووو أحواض سمك ..

ونحنا شعب الله المحتار يا بدنا نطير أو تضربنا سيارة حتى نوصل ., أو نصير سوبر مان أو عباس بن فرناس وبعدين تتكسر جناحاتنا وبالحالتين باي باي ,يمكن يكون أحسن

—-

يا شباب يا مرشحين ناجحين أو معيد بعد أربع سنوات ,أو التوبة يا رسول الله .

المهم إنو تعلقت صوركن ,ولافتتاتكن ,وكنتوا ما شاء الله كتير سريعي الحركة .

المهم اللي ضرب ضرب واللي هرب هرب .بس بدي منكون شغلي ؟

ربي يحميكن منشانا ومنشانصوركن ما تتخزق وتتبهدل بالشمس وخلافو …إذا بتحبوا الله عجلوا شيلوا اللافتتات والصور من الشوارع وعن الحيطان .

يا سامعين الصوت مشي الحال وإلا منقول ……لا … لمن تنادي