تعليلة …
جيت أبسهر ويًا القوافي … ليلة
شبيت ناري وشوقٍ ف دلتي راسي
قلًبت جمر زمان وذكرى عليلة
عيًت حروف الهجاء تعدد…أنفاسي
صبيت فنجال الهلا وطيفه بهيله
وشفًيت شفة حنين ردت إحساسي
على ايًا بحر أبكتب قصيدة طويلة
غرقت في بحور الشٍعر والأجناسي
مثل طيرٍ بلا جناح ضيع سبيله
وغيمٍ فوق منًه وريحٍ … خماسي
شربت ثاني فنجال وثالث بذيله
وحروف القوافي سرابٍ … براسي
زهمت شيطان شٍعري وأنا كفيله
قال صايم وبيد الله رد … وسواسي
ما طاح حظي وعسى قهوتي بديله
من بدا الشٍعر وقهوة عدن نوماسي