لما الإله أبدع الأكوان وللدني أعطى جمالا
تلت الجمال وزعوا عالكل
وتلتين لحالا
وكان الجمال كلو إلا
هالوجها قمر ما أجملا
عيونا دعج فوقن رمش مخبي سرار
خلقت بعيد الأم بشهر آذار
مع الورد والفل والأزهار
متلو جمالا بالدني ما صار
نورها مضوي عتم تشرين ومحولو لنهار
هي الوحيدة ل ما الها مثيل
بالحلا واللطف والقد الجميل
شعرا بلون الليل وخدا أسيل
منشان هيك مهما وصفت وحكيت مابوفي
ومهما شرحت ومدحت ما بكفي
أنت ياحلوةيالكلك حنين
يل صامدة وشامخة متل صنين
وقلبك متل ثلجو أبيض نقي
بس الفرق ثلجو بارد وبيدوب
وثلجك دفا وكلو وفا.
ومهما صار بيبقى نقي وما بيدوب.
*حمص – سليمان الحكيم
