نيسان وسجال شاعرين

الشاعر محمد عبد الله مع الشاعرة لينا شاهين لينا :
مرة شفتك بالبستان
وشفتك ضايع بين الزهر
كانت أياما نيسان
وصرلك غايب يمكن شهر
تحركش باللولو المرجان
وورد الزنبق طق القهر
مرت بخيالي ألوان
وتخربط ترتيب الدهر
شفتك قمر طلّ وبان
وقلت بخلي لأمي صهر
وألف حكايه عم إحكيك
حتى تزيد لأهلي المهر
وعيوني تتغلغل فيك
ودمعاتي عملتلك نهر
كذابة وهالعمر الراح
ماتذكرتك.. كلو غدر
مافارق لوعندي بقيت
ولابعرف شويعني هجر
وانشقت أرضي بركان
وإبتلعت من سقفا البدر
ولما قلتلك مشتاقة
كانت كذبة اول شهر
ردي
محمد عبدالله
شفتيني مرة بنيسان
كل شوفة بتساوي شهر
تركتيني وقلبي تعبان
ودموعي نزلوا من القهر
هديتك لولو مع مرجان
وجمعتلك باقة زهر
فتحتلك جنة رضوان
ودليتك ع بواب الشعر
بس اللي متلك عطشان
ومشتقلي كتير من زْمان
ما بترويه سواقي النهر
ردت
بنيسانك ماكنت بشوف
كنت بمضيها بالعتم
تعتق بالغرفه البخور
وماشعلت لوجمرة فحم
ماني بالجنه عطشان
صوبنا وصايب هالسهم
مابيشرب من هالساقية
إلا المتلك داق الظلم
نحن الشاهين بهالكون
وعن ميزاتو كلك فهم
أنا رديت
محمد
بنيساني ياغصن البان
كتبتيلي اسمي عالزّهر
وبصدرك كبر الرّمان
عم تقطر عسلاتو قطر
سكَّنْتك قصر السلطان
حتى تنسي سنين الفقر
والمتلي شاعر فنّان
وسلاحو حرف وألحان
عَ خدودك رح يكتب شعر